سەرۆكایەتیی شارەوانيی سلێمانی بڵاویكردووەتەوە، هەڵمەتێكی چاككردن و قیركردنی شەقامی بازنەیی مەلیك مەحمود دەستیپێكردووە و تیمەكانی هاتوچۆی ناوشاریش هاوكارمانن.
بەپێی ڕاگەیەندراوێكی سەرۆكایەتیی شارەوانیی سلێمانی تێیدا هاتووە، “لە چواچێوەی بەردەوامبوونی خزمەتگوزاریی و چاككردنی شەقامەكانی شاری سلێمانی، بە سەرپەرشتی سەرۆكایەتیی شارەوانیمان، هەڵمەتێكی بەرفراوانی چاككردن و قیركردنی شەقامی ”مەلیك مەحمود” مان دەستپێكردووە”.
لە ڕاگەیەندراوەكەدا هاتووە، تیمەكانی هاتوچۆی ناوشاری سلێمانی هاوكارن لە ئاگاداركردنەوەی شۆفێران و دروستنەبوونی ئاستەنگەكانی هاتوچۆ.
