ئەندامێکی ئەنجومەنی نوێنەرانی عێراق ڕایدەگەیەنێت، وەزیری دارایی پێی ڕاگەیاندووین کە کێشە بۆ مووچەی فەرمانبەرانی هەرێمی کوردستان دروستنابێت.
سروە محەمەد، ئەندامی فراکسیۆنی یەکێتی لە ئەنجومەنی نوێنەرانی عێراق لە لێدوانێکدا بە تۆڕی میدیایی ئێستای ڕاگەیاند، لە کۆتا سەردانمان بۆ لای فالح ساری، وەزیری دارایی عێراق، بە ڕوونی پێی ڕاگەیاندین کێشە بۆ مووچەی مووچەخۆرانی هەرێمی کوردستان دروست نابێت.
باسی لەوەشکرد، لەم چەند ڕۆژەدا دابەشکردنی مووچەی مووچەخۆرانی عێراق دەستپێدەکات، لەگەڵ ئەوەشدا ئاگادارین کە لیستی مووچەی مانگی حوزەیران ڕەوانەی بەغداد کراوە، بۆیە بە دووری دەزانم کێشە بۆ مووچەی مانگی حوزەیرانی مووچەخۆرانی هەرێمی کوردستان دروستببێت.
