بەڕێوەبەری گشتیی فەرمانگەی كارگێڕی و دارایی خوێندنی باڵا ئاشکرایدەکات، بە چڕی کار لەسەر دامەزراندنی سەرجەم سێ یەکەمەکان دەکەین و جێکردنەوەیان لە بودجەی عێراقدا دەکەین.
د. توانا نەجەف، بەڕێوەبەری گشتیی فەرمانگەی كارگێڕی و دارایی خوێندنی باڵای هەرێمی کوردستان لە لێدوانێکدا ڕایگەیاند، وەزیری خوێندنی باڵای هەرێمی کوردستان فەرمانیکردووە کە بە هەماهەنگیی لەگەڵ وەزارەتی دارایی عێراق و بەتایبەت بەڕێوەبەری گشتیی بودجە، بەشێوەی تەرخانکردنی میلاک و بڕی پارەی مانگانە بۆیان، سەرجەم سێ یەکەمەکان لە بودجەی عێراقدا جێگە بکەینەوە.
وتیشی، لە ئێستادا بە چڕی کار لەسەر ئەوە دەکەین، لەم کابینە نوێیەی حکومەتی عێراقدا، سەرجەم سێ یەکەمەکانی هەرێمی کوردستان دابمەزرێنین.
