لە توێژینەوەیەکی نوێدا دەرکەوتووە، ئاوی تەماتە هەوکردن، ئاوسان و مەترسیی توشبوون بە نەخۆشییەکانی دڵ و خوێنبەرەکان کەمدەکاتەوە، بەتایبەتی لە پیاوانی سەروو 40 ساڵدا.
لە توێژینەوەکەدا ئاماژە بەوەکراوە، تەماتەی سوور لایکۆپینی تێدایە، کە دژەئۆکسانێکی بەهێزە و خانەکان لە پیربوون و هەوکردن دەپارێزێت و ئەگەری توشبوون بە نەخۆشییەکانی دڵ و هەندێک جۆری شێرپەنجە کەمدەکاتەوە، وەک شێرپەنجەی پرۆستات.
ئەوەش خراوەتەڕوو، ئاوی تەماتە، یان تەماتەیەک کە کەمێک کوڵابێت، سوودی زیاتری دەبێت.
هەر لە توێژینەوەکەدا هاتووە، ئاوی تەماتە بەتایبەتی سوودی هەیە بۆ ئەوانەی چاودێریی پەستانی خوێن و تەندروستیی دڵیان دەکەن، هەروەها بۆ ئەوانەی رێجیم دەکەن، بەوپێیەی لە 100 میلیلیتردا، تەنیا 17-20 کالۆریی تێدایە.
