توێژینەوەیەکی نوێ تیشکی خستووەتە سەر پەیوەندیی نێوان باڵابەرزیی مرۆڤ و ئەگەری تووشبوون بە چەندین نەخۆشیی جیاجیا.
توێژینەوەکە لە گۆڤاری “PLOS Genetics”ـی ئەمریکیدا بڵاوکراوەتەوە و سەرنجی خستووەتە سەر ئەو کەسانەی باڵایان لە ئاستی ئاسایی بەرزترە و دەریخستووە، ئەو کەسانە ئەگەری تووشبوونیان بە چەند نەخۆشییەکی وەک شێوانی لێدانەکانی دڵ، بەرزبوونەوەی پەستانی خوێن، بەرزبوونەوەی کۆڵسترۆڵ، دەوالی و گیرانی خوێنبەرەکان زیاترە.
توێژەرانی زانکۆی کۆلۆرادۆ کە بە توێژینەوەکە هەڵساون، بۆیاندەرکەوتووە بەرزیی باڵا ئەگەری تێکچوونی هەستەدەمارەکان و هەوکردنی پێست و ئێسکەکانیش زیاددەکات.
لە درێژەی توێژینەوەکەدا ئاماژە بەوە دراوە، هۆکاری هەندێک نەخۆشی دەکرێت بدرێتە پاڵ بەرزیی باڵا، لە بارێکدا ئەگەر تووشبووەکە باڵای لە ئاستی ئاسایی بەرزتربوو.
