وەزیری ئاوەدانکردنەوە و نیشتەجێکردنی هەرێمی کوردستان رایگەیاند، حکومەتی هەرێمی کوردستان سەرجەم پابەندییەکانی لەبەرامبەر حکومەتی عێراق جێبەجێکردووە. دەشڵێت، گەشبینە بە چارەسەرکردنی کێشەی مووچەخۆران.
دانا عەبدولکەریم، وەزیری ئاوەدانکردنەوە و نیشتەجێکردنی حکومەتی هەرێمی کوردستان لە کۆنگرەیەکی رۆژنامەوانیدا رایگەیاند، لە کۆتا کۆبوونەوەدا، ئەنجومەنی وەزیرانی هەرێم، پێشنیازەکانی حکومەتی عێراقی بۆ چارەسەرکردنی کێشە هەڵپەسێردراوەکان پەسەندکردووە.
روونیشیکردووەتەوە، ئەنجومەنی وەزیرانی هەرێمی کوردستان، رەزامەندیی لەسەر سەرجەم خاڵە گرنگەکانی پێشنیازەکەی بەغداد داوە، بەو مەرجەی لە چوارچێوەی دەستووری عێراقدا بێت.
ئاماژەی بەوەشکردووە، گەشبینە بە چارەسەرکردنی کێشەی مووچەی مووچەخۆران لە نێوان هەردوو حکومەتی هەرێمی کوردستان و عێراق.
