دەستەی گومرگی عێراقی ئاشكرایكردووە، هەوڵێكی بەقاچاخبردنی دەیان جۆر باڵندەی دەگمەنیان لەڕێی دەریاوە پوچەڵ كردووەتەوە.
لە ڕاگەیەندراوێكدا ئەمڕۆ پێنجشەممە 28ی كانونی دووەم، دەستەی گومرگی عێراقی ئاماژەی بەوەكردووە، “هەواڵگریی فەرماندەیی و گومرگی كۆنتڕۆڵی دەریایی بە هەماهەنگی لەگەڵ هۆبەی هەواڵگریی سوپای كەناراوەكان، توانییان هەوڵێكی بەقاچاخبردنی ژمارەیەكی زۆر لە باڵندەی دەگمەن پوچەڵ بكەنەوە”.
ئەوەشیان خستوەتەڕوو، “باڵندەكان ژمارەیان 18 دانە بووە، 15یان لە جۆری داڵ بوون و سیانی دیكەیان لە جۆری حەباری”.
ئەوەش ڕاگەیەندراوە، “ئەو كەسانەی هەوڵی بەقاچاخبردنەكەیان داوە لە بۆسەیەكدا لەڕێی بازگەیەكی ئاوییەوە لەلایەن هێزە ئەمنییەكانەوە دەستگیر كراون”.
