وتەبێژی فەرماندەی گشتیی هێزە چەکدارەکانی عێراق رایگەیاند، شاندێکی باڵای وەزارەتی بەرگری بە سەرۆکایەتیی وەزیری بەرگریی عێراق دەچێتە ئەمریکا، سەردانەکە لەسەر بانگهێشتی فەرمیی وەزارەتی بەرگریی ئەمریکایە.
بەپێی راگەیەندراوی یەحیا رەسوڵ، شاندەکە پێکهاتوون لە سەرۆکی دەزگای رووبەڕووبوونەوەی تیرۆر، عەبدولوەهاب ساعدی، سەرۆکی ئەرکانی سوپای عێراق، عەبدولئەمیر رەشید، جێگری فەرماندەی هێزە هاوبەشەکان قەیس محەمەداوی.
شاندەکە لەگەڵ وەزارەتی بەرگریی ئەمریکا تاوتوێی مانەوە و پاڵپشتیی هێزەکان بۆ رووبەڕووبوونەوەی تیرۆر، هەماهەنگی نێوان هەردوو وڵات بۆ بەرژەوەندیی هەردوولا و ئاڵوگۆڕکردنی زانیاریی هەواڵگری لەنێوانیاندا دەکرێت.
