دروستکردنی ئامێری ئێرفرایەر بە شۆڕشێکی نوێ لەبواری دروستکردنی خۆراک هەژماردەکرێت، کە ئەو خواردنانەی دەتەوێت بەبێ زەیت و بە کەمترین کات بۆت ئامادەدەکات، بەڵام شارەزایانی بواری تەندروستیی هۆشداریی لەبارەوە دەدەن و دەڵێن، نابێت بۆ پێنج جۆر خواردن بەکاربهێنرێت لەوانەش:
-هەندێک جۆری پەنیر، چونکە یان تام لەدەستدەدەن یان دەسووتێن و بڵاودەبنەوە بە ئامێرەکەدا.
-پارچە گۆشتی گەورە، چونکە بەشی ناوەوەی بە جوانی نابرژێت.
-برنج و مەعکەرۆنی، چونکە ئاوی زیاتریان لە خواردنەکانی دیکە پێویستە بۆ ئامادەبوون.
-سەوزە گەڵا پانەکانی وەک کاهوو و سپێناغ، باشترە هەر بە رێگا کۆنەکان ئامادەیان بکەیت.
-ئەو خۆراکانەی سۆسیان پێوەدەکرێت.
