سەرۆکایەتیی کۆماری لوبنان بڵاویکردەوە، نەواف سەلام حکومەتی نوێی لوبنان بە بەشداریی 24 وەزیر پێکدەهێنێت.
لە راگەیەندراوێکی سەرۆکایەتیی کۆماری لوبناندا هاتووە، سەرۆک جۆزێف عۆن مەرسومی پەسەندکردنی هەڵوەشاندنەوەی حکومەتەکەی نەجیب میقاتی و راسپاردنی نەواف سەلام بۆ پێکهێنانی حکومەتێکی نوێ دەرکردووە.
حکومەتە نوێیەکەی لوبنان لە 24 وەزیر پێکدێت، ئەمیش پاش کۆبوونەوە و رێکەوتنی لایەنە سیاسییەکان لەبارەیەوە.
حکومەتە نوێیەکە لەبەردەم چەندین ئالنگاریی گرنگدایە، دیارترینیان نوێکردنەوەی ئاگربەستی نێوان لوبنان و ئیسرائیل دەبێت.
