هاڵۆوین جهژنێکی تایبەت بە کریستیانەکانە و ساڵانە لە کۆتا شەوی مانگی ئۆکتۆبەر بەڕێوەدەچێت و ئەو کەسانەی لەسەر ئەو باوەڕەن رێورەسم و چالاکی جیاواز بەڕێوەدەبەن.
بیرۆکەی جەژنی هاڵۆوین لە وڵاتانی رۆژئاواوە هاتووە، بەڵام لە ئێستادا لە زۆرینەی وڵاتانی جیهان بڵاوبووەتەوە.
خەڵکان لە شەوی هاڵۆویندا خۆیان و ماڵەکانیان لەسەر شێوەی ترسناک ئامادەدەکەن، منداڵان بە جلوبەرگە سەمەرە و ترسناکەکانیانەوە بە ماڵاندا دەگەڕێن و نوقڵ و شیرینی کۆدەکەنەوە، هەندێک جاریش دزیی بچوکیش دەکەن.
مەسیحییەکان پێیان وایە لە شەوی هاڵۆویندا رۆحی مردووەکان لە ئاسمانەوە دێنەوە سەر زەوی و لەسەر شێوەی شتی ترسناک خۆیان نیشاندەدەن.
بەکارهێنانی رەنگەکانی پایز، گەڵای درەخت کولەکەی زەرد یەکێک لە سیماکانی ئەم رێورەسمەیە، کە گوزارشتە لە هاتنی وەرزی پایز.
لە هەرێمی کوردستانیش هاوشێوەی بەشێک لە وڵاتانی جیهان ماوەی چەند ساڵێکە گرنگی بەم رێورەسمە دەدرێت، لە بەشێک لە شوێنە گشتییەکان رێورەسم و چالاکی جۆراوجۆر سازدەکرێت.
