بۆ بەسەربردنی پشووی سەری ساڵ و بەشداریكردن لە ئاهەنگەكاندا، 57 هەزار و 500 گەشتیار سەردانی سلێمانییان كردووە.
ئارام شوانی وتەبێژی گەشتوگوزاری سلێمانی، ئامارەكەی بۆ تۆڕی میدیایی ئێستا ئاشكراكرد و رایگەیاند، ئەمساڵ 57 هەزار و 500 گەشتیار بۆ بەسەربردنی پشوووی سەری ساڵ سەردانی سلێمانییان كردووە و بەراورد بە ساڵی رابردوو ژمارەكە زیادیكردووە، بەو پێیەی سەری ساڵی رابردوودا 30 هەزار گەشتیار هاتبوونە سلێمانی.
لەبارەی شوناسی گەشتیارانەوە، وتەبێژی گەشتوگوزاری سلێمانی وتی، “90%ـیان خەڵكی ناوەڕاست و باشووری عێراقن، 8%ـیان لە رۆژهەڵاتی كوردستان و ئێرانەوە هاتوون و 2%ـیان گەشتیاری بیانین”.
پێشتر ئارام شوانی لە لێدوانێكدا بۆ ئێستا پێشبینیكردبوو، زیاتر لە 50 هەزار گەشتیار بۆ بەسەربردنی پشووی سەری ساڵ سەردانی پارێزگای سلێمانی بكەن.
