مەكتەبی هەڵبژاردنی یەكێتیی نیشتمانیی كوردستان دەنگدەران ئاگاداردەكاتەوە و دەڵێت، “بەمەبەستی چەواشەكاری و سەرلێشێواندنی ئێوەی تێكۆشەر، ئەگەری ئەوە هەیە چەند لایەنێكی نەناسراو لە رێگای ئامرازەكانی پەیوەندیكردنەوە نامەی ساختە سەبارەت بە پرس و رێكارەكانی دەنگدانتان بۆ بنێرن و ئاگاداربن.
ئاماژە بۆ ئەوەش كراوە، وەكو مەكتەبی هەڵبژاردنی یەكێتیی نیشتمانیی كوردستان ئاگاداری ئێوەی دڵسۆزانی رێبازی پیرۆزی یەكێتیی نیشتمانیی كوردستان دەكەینەوە كە ئەگەر لە (تەلەفۆنی مۆبایل یان واتساپ یان ڤایبەر یان لە هەر ئامرازێكی پەیوەندیكردنی دیكەوە) نامەیەكی لەو جۆرە، یان داواكردنی وێنەی بەڵگەنامە و كارتی دەنگدان یان لینكی ئەپڵەكەیشنتان، پێگەیشت پشتگوێی بخەن و وەڵامیان نەدەنەوە”.
ئەوەش خراوەتەڕوو، جەختدەكەینەوە، مەكتەبی هەڵبژاردن هەر رێنمایی و كارێكی پێویستی هەبێت لە رێگای بازنە و بنكە و ئۆرگانە رەسمییەكانی یەكێتییەوە بڵاویدەكاتەوە.
