لەنێوان ئامادەبووانی دوو ئاهەنگی هاوسەرگیری لە شاری نەجەف شەڕ و دەمەقاڵێ دروستبوو بەهۆیەوە برای یەکێک لە زاواکان کوژرا.
میدیاکانی عێراق بڵاویانکردەوە، رووداوەکە نیوەڕۆی ئەمڕۆ لەبەردەم هۆتێل زمزم لە شاری نەجەف لە کاتێکدا روویداوە کە برای یەکێک لە زاواکان لەبەردەم هۆتێلەکەدا چاوەڕێی بەشێک لە میوانانی ئاهەنگەکەی کردووە، لەو کاتەدا بوک و زاوایەکی دیکە و کەسوکاریان هاتوونەتە شوێنەکە و داوایانلێکردوون شوێنەکە چۆڵ بکەن و بەو هۆیەوە شەڕ و دەمەقاڵێ لەنێوانیان روویداوە.
ئاشکراشیانکرد، لە رووداوەکەدا برای زاوای یەکەم بە ئاسن کوژراوە و تۆمەتبارانیش هەڵاتوون توانراوە تەنها یەکێکیان دەستگیربکرێت.
