قائیمقامیەتیی سلێمانی رایدەگەیەنێت، ئەمساڵ کێشەی کەمیی غاز و بەرزبوونەوەی نرخەکەی نابێت و لیژنەیەکی تایبەت چاودێریی هێنان و دابەشکردن و نرخی غازی شل دەکات”.
گۆران قادر، سەرۆکی لیژنە هاوبەشەکانی قائیمقامیەتی سلێمانی رایگەیاند، لیژنەیەکی تایبەتمان هەیە بۆ چاودێریکردنی هێنانی غازی شل بۆ ناو کارگەکان و دواتر لەڕێگەی بریکارەکانەوە فرۆشتنی بە هاوڵاتییان، لەگەڵ ئەو لیژنەیە کۆبووینەتەوە و بەرنامەو پلانی پێویستمان داناوە بۆئەوەی لە وەرزی سەرمادا کە خواست لەسەر غاز زیاتر دەبێت، کێشەی بڕی پێویست و نرخ دروستنەبێت.
دەشڵێت، ئەو لیژنەیە رۆژانە لە کاتژمێر چوار بۆ هەشتی بەرەبەیان چاودێریی کارگەکانی غاز دەکات، دواتر چاودێریی نرخ و دابەشکردنی ئەو بڕە غازە دەکەین بەسەر هاوڵاتییاندا، رێگە بەهیچ کەس و کارگەیەک نادرێت نرخ لەسەر هاوڵاتییان زیادبکات.
