سەرۆکایەتیی شارەوانیی سلێمانی هاوڵاتییانی شارەکە ئاگاداردەکاتەوە کە گۆڕستانەکانی سلێمانی شوێنی بەخاکسپاردنی مردووی تێدانەماوە.
لە ڕاگەیەندراوێکدا سەرۆکایەتیی شارەوانیی سلێمانی ڕایگەیاندووە، ” ئاگاداری سەرجەم هاوڵاتییانی شاری سلێمانی دەكەین، كە سەرجەم گۆڕستانەكانی سنووری شارەوانیی سلێمانی جێگای ناشتنی (مردووی) تێدانەماوە”.
لە ڕاگەیەندراوەکەدا هاتووە، گۆڕستانەکانی ناوشار قەرەباڵغییەکی زۆریان دروستکردووە و ناڕەزایی هاوڵاتییانی لێکەوتووەتەوە.
داواش لە هاوڵاتییان دەکات، لەمەودوا مردووەکانیان لەگۆڕستانی نوێی سلێمانی لەسەر ڕێی هوانە بەخاکبسپێرن.
شارەوانی سلێمانی ڕاشیگەیاندووە، هەر کەسێک سەرپێچی بکات ڕێکاری یاسایی بەرامبەر دەگرنەبەر.
