ده‌سته‌ی ژینگه داوای بەخشینی ئۆتۆمبێلی کارەبایی و هایبرید دەکات لە کرێی تابلۆی ئۆتۆمبێل، ئەوەش دوای ئەوەی بڕیاری هه‌ڵگرتنی ره‌سمی گومرگیی له‌سه‌ر هاورده‌كردنی ئۆتۆمۆبێلی كاره‌بایی به‌ڕێژه‌ی 100% چووەتە بواری جێبەجێکردنەوە.
دەستی ژینگە بڵاویکردەوە، سه‌رۆكایه‌تیی دیوانی ئه‌نجومه‌نی وه‌زیران هەفتەی رابردوو، داوای له‌وه‌زاره‌تی دارایی و ئابوریی هه‌رێمی كوردستان کرد كه كاری پێویست ئه‌نجامبده‌ن بۆ هه‌ڵگرتنی ره‌سمی گومرگیی له‌سه‌ر هاورده‌كردنی ئۆتۆمۆبێلی كاره‌بایی به رێژه‌ی 100% له‌چوارچێوه‌ی هه‌نگاوه‌كانی بره‌ودان به‌ڕێكاره‌كانی پاراستنی ژینگه‌ی هه‌رێمی كوردستان.
ئاماژەی بەوەشکردووە، لە نوسراوێکی دیکەدا کە دوێنێ 11ی 9 سەرۆکایەتیی دیوانی ئەنجمونەی وەزیران ئاڕاستەی وەزارەتی ناوخۆی هەرێمی کوردستانی کردووە، نوسراوێکی دەستەی ژینگەیە بۆ بەخشینی هەردوو ئۆتۆمبێلی کارەبایی و هایبرید لە کرێی تابلۆ.
