دژەتیرۆر دەستگیرکردنی “تیرۆرستێک” رادەگەیەنێت

بەڕێوەبەرایەتیی گشتیی دژەتیرۆر رایدەگەیەنێت، لە ئۆپراسیۆنێكدا بە سەرپەرشتیی هێزەكانیان و بە هاوبەشی لەگەڵ فەوجی مغاویری سەر بە فەرماندەیی ئۆپەراسیۆنەکانی کەرکوک و هێزی سواتی سەر بە پۆلیسی کەرکوک توانیویانە “تیرۆرستێکی داواکراو” دەستگیربكەن.

بەڕێوەبەرایەتییەكە راشیگەیاند، “تیرۆرستی دەستگیرکراو” بەناوی (هـ.م.ص.) لەدایکبووی 1995، لە ساڵی 2014 لە رێگەی بەرپرسی سەربازیی کەرتی رەشاد بەیعەتی بە رێکخراوی تیرۆرستیی دەوڵەتی ئیسلامیی (داعش) داوە، پاشان لە دیوانی جوندی رێکخراوەکە وەک شەڕکەرێک لە کەتیبەی (عثمان بن عفان) لە کەرتی رەشاد بەشداری لە چەندین شەڕدا دژی هێزە ئەمنییەکان كردووە.

روونیشیكردەوە، دوای رووخانی دواهەمین پێگەی رێکخراوەکە لە عێراق، تیرۆرستی ناوبراو چووەتە کەرکوک و نیشتەجێ بووە، تا ساتی دەستگیرکردنی لە پەیوەندی و کاردا بووە لەگەڵ بەرپرسانی کەرتی ریاز و رەشاد، پاش دەستگیرکردنیشی، رادەستی یاسا کرا بەمەبەستی سزادانی.

بابەتی پێشتر

دابەشكردنی مووچەی مانگی 5ی خانەنشینان دەستیپێكرد

بابەتی دواتر

شارەزایەک: دواخستنی هەڵبژاردن قەوارەی هەرێمی کوردستان دەخاتە مەترسییەوە

بابەتی پەیوەندیدار
زیاتر ببینە

سبەینێ لە سلێمانی و هەڵەبجە بارانە

بەڕێوەبەرایەتیی گشتیی کەشناسی و بومەلەرزەزانیی هەرێمی کوردستان ئاشکرایکرد، ‏سبەینێ چوارشەممە لە پارێزگاكانی سلێمانی و هەڵەبجە باران دەبارێت، هەروەها…
Total
0
Share