زانکۆکانی سعودیە لەگەڵ نزیکبوونەوەی دەستپێکی ساڵی نوێی خوێندن داوایان لە خوێندکارەکانیان کردووە پابەندبن بە لەبەرکردنی جلوبەرگی سعودیی و پاراستنی ناسنامەی نەتەوەییەوە.
رۆژنامەکانی سعودیە بڵاویانکردەوە، چەند زانکۆیەک خوێندکارەکانیان پابەندکردووە بە پۆشینی جلوبەرگی نەتەوەیی وڵاتەکەیان لەکاتی چوونە ناو زانکۆدا و خوێندکارە کچەکانیشیان پابەند بە زیادەڕەوی نەکردن لە بەکارهێنانی کەرەستەی جوانکاریدا کردووە.
ئەوەش ئاشکراکراوە، ئەو خوێندکارانەی پابەندی ئەو بڕیارە نابن و سەرپێچی دەکەن رێگرییان لێدەکرێت لە چوونە ناو زانکۆ و بەشداریکردنیان لە چالاکی و بۆنە و ئاهەنگەکانی تایبەت بەو زانکۆیانە.
پێشتریش پادشای سعودیە رەزامەندی دەربڕی بوو لەسەر پابەندکردنی کارمەندانی دەزگاکانی حکومەتی وڵاتەکەی بە لەبەرکردنی جلوبەرگی نەتەوەیی لە شوێنی کارەکانیاندا.
