نرخی نەوتی خاو لە بازاڕەكانی جیهان بەشێوەیەكی بەرچاو دابەزی و بەراورد بە دوێنێ، هەر بەرمیلێك دوو دۆلار لە نرخەكەی كەمبووەوە.
بەیانی ئەمڕۆ سێشەممە لەگەڵ كردنەوەی بازاڕەكاندا نرخی نەوتی برێنت بە 72.91 مامەڵەی پێوەكرا، لە كاتێكدایە دوێنێ نرخەكەی سەروو 74 دۆلار بوو.
هاوكات نرخی بەرمیلێك نەوتی خۆرئاوای تەكساسیش لە 73.27 دۆلار بۆ 71.24 دۆلار دابەزی.
لەدوای ڕێککەوتنی ئۆپیک پڵەس بۆ زیادکردنی بەرهەمهێنان بەبڕی 400 هەزار بەرمیل لە ڕۆژێکدا، نرخی نەوت چەند جارێك گۆڕانكاری بەسەرداهاتووە.
