کەشناسیی هەرێم: پلەی گەرمی دادەبەزێت

بەڕێوەبەرایەتیی کەشناسیی هەرێم بڵاویکردەوە، ئەمڕۆ و سبەینێ پلەی گەرمی دابەزین بەخۆیەوە دەبینێت.

لە راگەیەندراوێکی بەڕێوەبەرایەتیی کەشناسی و بومەلەرزەزانیدا هاتووە، ئەمڕۆ پێنجشەممە پلەی گەرمی نزمدەبێتەوە بە(1-3) پلەی سیلیزی بەراورد بە تۆمارکراوەکانى دوێنێ.

ئاشکراشیکرد، سبەینێ هەینی ئاسمان ساماڵ دەبێت، لە سنوورى باشووری هەرێم کەمێک تۆز و خۆڵ دەبێت، پلەی گەرمی دابەزینی زیاتر بەخۆیەوە دەبینێت.

هەر لە راگەیەندراوەکەی کەشناسییدا هاتووە، بەرزترین پلەکانی گەرما لە هەولێر: 41، سلێمانی:40، دهۆک:40، کەرکوک:43 ، هەڵەبجە:41، زاخۆ:41، سۆران:40، حاجی ئۆمەران:30
، گەرمیان:44 پلەی سیلیزی دەبێت.