ئەندامێکی ئەنجومەنی نوێنەرانی عێراق رایگەیاند، “وەزارەتی دارایی عێراق بۆ تەوتین داوای ژمارەی بانکیی فەرمانبەران و داهاتی نەوتی هەرێم دەکات”.
سۆران عومەر، ئەندامی ئەنجومەنی نوێنەرانی عێراق رایگەیاند، وەزارەتی دارایی عێراق بە نووسراوی ژمارە 4246 لە 17ی شوباتی 2025 پشتبەست بە نووسراوێکی نووسینگەی سەرۆک وەزیران، لەگەڵ لیستی مووچەی مانگی شوباتی 2025 و مانگەکانی دیکە داوای بەپەلەی ژمارەی بانکیی فەرمانبەران دەکات بۆ تەوتین بەپێی ئەو رێکارانەی کە دادگای فیدراڵی دیاریکردوون.
دەشڵیت، “جگە لەوە داوای داهاتی ناوخۆ دەکات و رازی نییە بەو 51 ملیار دینارەی کە بۆ مانگی یەک هەرێم وەک داهاتی ناوخۆ گەڕاندیەوە بۆ دارایی عێراق”.
ئەو پەرلەمانتارە ئەوەش دەڵێت، “لەخاڵی کۆتایی نووسراوەکەدا داوای داهاتی نەوت دەکات بخرێتە سەر ئەو هەژمارەی وەزارەتی دارایی عێراق لە بانکی ناوەندی بەژمارە 300900 کردویەتییەوە”.
