ئەندامێكی لیژنەی دارایی لە ئەنجومەنی نوێنەرانی عێراق رایدەگەیەنێت، دوای بڕیارەكەی دادگای فیدراڵی مەترسی لەسەر مووچەی مووچەخۆرانی هەرێمی كوردستان نەماوە و دەشڵێت، “دەبێت لە هەمواری یاسای بودجەدا پرسی مووچە جێگیربكەین”.
نەرمین مەعروف، ئەندامی لیژنەی دارایی لە ئەنجومەنی نوێنەرانی عێراق لە لێدوانێكدا رایگەیاند، لە ساڵی 2024دا عێراق كێشەی مووچەی نابێت و بۆ هەرێمی كوردستانیش پێویستە كاربكەین كە مووچەی مووچەخۆرانی هەرێم وەكو خەرجیی حاكیمە مامەڵەی لەگەڵدا بكرێت.
راشیگەیاند، بڕیارەكەی دادگای فیدراڵی گەرەنتییە بۆ مووچەی مووچەخۆرانی هەرێم و دوای بڕیارەكەشی مەترسی لەسەر مووچەی مووچەخۆرانی هەرێمی كوردستان نەماوە، بەڵام دەبێت لە هەمواری یاسای بودجەدا پرسی مووچە جێگیربكەین تا بۆ ساڵانی داهاتوو ئەو كێشەیەی پێشتر سەرهەڵنەداتەوە”.
