بەڕێوەبەرایەتیی پۆلیسی سلێمانی دەستگیركردنی كەسێكی بە تۆمەتی دزیكردن راگەیاند.
بەپێی راگەیەندراوێكی بەڕێوەبەرایەتیی پۆلیسی سلێمانی كە وێنەیەكی دەست تۆڕی میدیایی ئێستا كەوتووە و تێیدا هاتووە، مەفرەزەكانی نووسینگەی كوردساتی بەشی نەهێشتنی تاوان تۆمەتبارێكیان دەستگیركرد كەبڕی یەك ملیۆن و پێنج سەد هەزار دیناری دزیبوو.
هەر لە راگەیەندراوەكەدا هاتووە، دوای ئەوەی هاوڵاتییەك سكاڵای تۆماركرد كەدزی لێكراوە، بڕی یەك ملیۆن و پێنج سەد هەزار دیناری لێدزراوە، هێزەكانی پۆلیس لێكۆڵینەوە و بەدواداچوونەكانیان دەستپێكردوو و دوای وەرگرتنی بڕیاری دادوەر توانرا لەلایەن مەفرەزەكانی نووسینگەی كوردساتی نەهێشتنی تاوانەوە تۆمەتبار بدۆزرێتەوە و دەستگیربكرێت.
هەر لە راگەیەندراوەكەدا هاتووە، تۆمەتبار لەدایكبووی ساڵی 1996بووە و دانی بەتاوانەكەیدا ناوە و بەبڕیاری دادوەر و بەپێی ماددەی 443 لەیاسای سزادانی عێراقی راگیراوە و لێكۆڵینەوەكان بەردەوامە.
