د. فازڵ نەبی، بریکاری پێشووتری وەزارەتی دارایی عێراق رایدەگەیەنێت، کێشەی مووچەی مووچەخۆرانی هەرێم چارەسەربووە.
د. فازڵ نەبی لە لێدوانێکدا لەبارەی مووچەی فەرمانبەرانی هەرێم رایگەیاند، کێشەی مووچە چارەسەربووە، بڕیاری دادگای فیدراڵی لەبارەوە هەیە و عێراقیش دانی بەو ژمارەی فەرمانبەرانەدا ناوە کە هەرێم پێشکەشیکردووە.
وتیشی، پێشتر پشکی هەرێم لە بودجەی گشتیی عێراقدا 12.67% بووە و لەمەودوا دەبێت بکرێت بە 14%.
ئاماژەی بەوەشکرد، ئەمە یەکێک بووە لە کێشە هەڵپەسێردراوەکانی نێوان هەرێم و بەغداد و بە جێگیرکردنی پشکی هەرێم لەناو بودجە، سەرجەم کێشەکان چارەسەردەبن.
