تیمێكی بەهاناوەچوون لە جەزائیر گیانلەدەستدانی 12 كۆچبەری كوردی رۆژئاوای كوردستان و سوری لە بیابانەكانی وڵاتەكەی رادەگەیەنێت.
كۆمەڵەی (غەوس) بۆ گەڕان و بەهاناوەچوون رایگەیاند، تیمەكانی ئۆتۆمبێلێكیان دۆزیوەتەوە كە لە نزیكیەوە تەرمی 12 كۆچبەر هەبوون لە ناوچەی (بلڤۆر)ی بیابان.
بەپێی كۆمەڵەكە، كۆچبەرەكان، كە لە نێوانیاندا منداڵ هەیە، بەهۆی تینوێتییەوە گیانیان لەدەستداوە. جگە لەو كۆچبەرانەش تەرمی دوو جەزائیریش كە پێدەچێت شۆفێر و یاوەریان ببوون دۆزراونەتەوە.
روونیشیكردەوە، قوربانییەكان خەڵكی ناوچەكانی حەسەكە، حەلەب، رەققە و دیمەشقن لە رۆژئاوای كوردستان و سوریا.
بە درێژایی سیانزە ساڵی رابردوو هەزاران كۆچبەری رۆژئاوای كوردستان و سوریا لە رێگای گەیشتن بە وڵاتانی ئەوروپا و لە هەوڵی خۆڕزگاركردن لە شەڕ و ناكۆكییەكانی وڵاتەكەیان بەهۆكاری جیاجیا گیانیان لەدەستداوە.
ناوی قوربانییەكان:
