وەزارەتی تەندروستیی هەرێم ڕایدەگەیەنێت، لە ماوەی 24 كاتژمێری ڕابردوودا 126 توشبووی نوێی كۆرۆنا لە هەرێم تۆماركراون و دوو توشبووش گیانیان لەدەستداوە.
وەزارەتی تەندروستیی هەرێم ئەمڕۆ دووشەممە 11ی كانونی دووەم بڵاویكردەوە، لە ماوەی 24 كاتژمێری ڕابردوودا چوار هەزار و 142 پشكینین ئەنجامدراون و لەو ژمارەیە 126 توشبووی نوێ تۆماركراون.
لەو ماوەیەشدا 970 توشبوو چاكبوونەتەوە و دوو توشبووش گیانیان لەدەستداوە كە هەردووكیان لە سلێمانی بوون، وەك ئەوەی تەندروستیی هەرێم ئاشكرایكردووە.
كۆی گشتیی توشبووان لە هەرێم گەیشتە 104 هەزار و 528 كەس لەو ژمارەیە 80 هەزار و 940 كەسیان چاكبوونەتەوە و سێ هەزار و 426 توشبوو گیانیان لەدەستداوە.
