دەستەی گشتیی ئاماری سعودیە بڵاویکردەوە، ئەمساڵ بە بەشداریی ملیۆنێک و 833 هەزار و 164 کەس رێورەسمەکانی حەج بەڕێوەدەچن.
دەستەکە ئاشکرایکردووە، لە کۆی ئەو حاجیانەی ئەمساڵ بەشداریی رێورەسمی حەجیان کردووە، ملیۆنێک و 611 هەزار و 310 کەسیان لە دەرەوەی وڵاتەوە هاتوون و 221 هەزار و 854 کەسیان لە ناوخۆی وڵاتەکە بەشدارییان کردووە.
لە کۆی ئەو حاجیانەی لە وڵاتانی دەرەوە روویان لە سعودییە کردووە،63.3% یان حاجیانی کیشوەری ئاسیا بوون و 22.3% یان لە وڵاتە عەرەبییەکانەوە بووە، 11.3% یان حاجیانی کیشوەری ئەفریقا بوون و حاجیانی ئەوروپا و ئەمریکا و ئوسترالیا رێژەی 3.2% یان پێکهێناوە.
