ڕوانگەی سوری: لە بۆردومانی فڕۆکەخانەی دیمەشق لەلایەن ئیسرائیلەوە حەوت سەرباز کوژراون

ڕوانگەی سوری بۆ مافەکانی مرۆڤ ئاشکرایکرد، بەهۆی بۆردومانەکەی ئیسرائیلەوە بۆ سەر فڕۆکەخانەی دیمەشق و دەوروبەری حەوت سەربازی حزبوڵا و گروپەکانی سەر بە ئێران کوژران.

ڕامی عەبدولڕەحمان بەڕێوەبەری ڕوانگەی سوری ڕایگەیاند، مووشەکەکانی ئیسرائیل بۆردومانی دەوروبەری فڕۆکەخانەی دیمەشقیان کردووە، لەگەڵ ئەوەی دژە مووشەکەکان وەڵامیانداونەتەوە بەڵام گەیشتوونەتە ئامانجەکانیان.

ئاماژەی بەوەکردووە، ئەو ناوچانەی بۆردومان کراون چەکدارانی حزبوڵای لوبنانی و گروپەکانی سەر بە سوپای پاسدارانی تێدان.

ڕوانگەی سوری لەبارەی زیانەکانەوە ڕایگەیاندووە، حەوت کەس کوژراون کە سەربازی سوری و چەکدارانی حزبوڵای لوبنانی و ئێرانیی تێدایە.

لەلایەکی دیکەوە، ئاژانسی هەواڵی فەرمیی سانا-ی سوری بڵاویکردەوە، لە ئەنجامی بۆردومانەکەی ئیسرائیلدا پێنج سەربازی سوریا کوژراون.

بابەتی پێشتر

زانیاری لەبارەی دۆخی تەندروستیی عەلی خامنەیی ئاشکرادەکرێت

بابەتی دواتر

کۆشکی سپی: گیانلەدەستدانی ژینا ئەمینی مایەی لێخۆشبوون نییە

بابەتی پەیوەندیدار
Total
0
Share