وەزارەتی تەندروستیی عێراق بڵاویکردەوە، لەسەرەتای ئەمساڵەوە تا ئێستا 39 حاڵەتی پشتڕاستکراوەی تای خوێنبەربوون تۆمارکراون پێنج کەسیش گیانیان لەدەستداوە.
سەیف بەدر وتەبێژی وەزارەتی تەندروستیی عێراق رایگەیاند، لەو حاڵەتانەی تۆمارکراوە 12 یان لە پارێزگای زیقار بوون و دوو کەسیش گیانیان لەدەستداوە. شەش تووشبوو لە نەینەوا بووە و یەک کەس گیانیلەدەستداوە، لە واست پێنج حاڵەت و لە بەغداد چوار حاڵەت تۆمارکراوە.
ئاشکراشیکرد، پارێزگاکانی هەرێم هیچ حاڵەتێکی مردنیان بەو ڤایرۆسە تێدا تۆمارنەکراوە.
