دابەشکردنی نەوتی سپی بەردەوامە و ئەمڕۆش چەند شوێنێکی دیکە ئەو نەوتە وەردەگرن.
بەڕێوەبەرایەتیی نەوت و کانزاکانی سلێمانی بڵاویکردەوە، ئەمڕۆ نەوت لە ماوەت، چوارتا، بازیان، بەرزنجە و حاجی ئاوا دابەشدەکرێت.
ئەوەش لە کاتێکدایە ماوەی چەند رۆژێکە پڕۆسەی دابەشکردنی نەوتی سپی بەسەر هاوڵاتییاندا دەستیپێکردووە و بەشێک لە ناوچە شاخاوییەکان نەوتیان وەرگرتووە.
بەپێی ئامارێکی بەڕێوەبەرایەتیی نەوت و کانزانی سلێمانی، لە 9 تا 23ی تشرینی یەکەم، بڕی 12 ملیۆن و 852 هەزار لیتر نەوت بەسەر 64 هەزار و 260 خێزاندا دابەشکراوە.
