بەڕێوەبەرایەتی گشتیی کەشناسیی هەرێم بڵاویکردەوە، ئەمڕۆ و سبەی ئاسمان لە نێوان ساماڵ و پەڵەهەوردا دەبێت و پلەکانی گەرمی بەرزبوونەوە بەخۆیانەوە دەبینن و سبەی لە زۆرینەی ناوچەکانی هەرێم بەرزترین پلەی گەرمی پێشبینیکراو دەگاتە سەرو 30 پلەی سیلیزی.
بە گوێرەی راگەیەندراوەکەی کەشناسیی هەرێم، ئەمڕۆ چوارشەممە ئاسمان ساماڵ دەبێت و پلەی گەرمی بەرزدەبێتەوە بە (1-2) پلە بە بەراورد بە تۆمارکراوەکانی دوێنێ.
لەبارەی کەشوهەوای سبەی پێنجشەممەوە دەڵێت، ئاسمان ساماڵ و پەڵەهەور دەبێت وپلەی گەرمی کەمێک بەرزدەبێتەوە بەراورد بە تۆمارکراوەکانی ئەمرۆ .
