وەزارەتی بازرگانیی عێراق بڵاویکردەوە، کەشتی ئاریزۆنا بە زیاتر لە 41 هەزار و 500 تۆن برنجی تایلاندییەوە گەیشتە عێراق و بۆ بەشەخۆراک هاوردەکراوە.
کۆمپانیای گشتیی دانەوێڵە لە وەزارەتی بازرگانیی عێراق بڵاویکردەوە، کەشتیی ئاریزۆنا گەیشتووەتە ناوچەی ئەدلا و برنجی تایلاندی هەڵگرتووە کە بەشێکە لە بەشەخۆراکی مانگانەی هاوڵاتییان.
ئاماژەی بەوەشکردووە، پشکنینی پێویست بۆ برنجەکە ئەنجامدەدرێت بەر لەوە بنێردرێت بۆ بریکارەکانی خۆراک بەمەبەستی دابەشکردنی بەسەر هاوڵاتییاندا.
