سبەینێ پلەی گەرما لە عێراق کەمێک دادەبەزێت

کەشناسی عێراق بۆ رۆژی دەنگدانی گشتی کە دەکاتە سبەینێ پێشبینی زیادبوونی تەم و بەردەوامی دابەزینی پلەکانی گەرما دەکات.

سەبارەت بە کەشوهەوای سبەینێ، دووشەممە، دەسەتەی گشتیی کەشناسی و چاودێری بومەلەرزەزانی عێراق ئاماژەی بەوەکردووە، “کەشوهەوای سبەینێ نیمچە هەور دەبێت و سەر لە بەیانی تەم دروست دەبێت و وردە وردە لە ناوچەکانی ناوەڕاست و باشوور نامێنێت، هەروەها پلەکانی گەرما کەمێک لە رۆژی پێشوو لە ناوچەکانی ناوەڕاست و باکوور دادەبەزن و هاوشێوەی رۆژی پێشوو دەبێت لە ناوچەکانی باشوور”.

دەشڵێت، “رۆژی سێشەممە بە هەمان شێوە کەشوهەوا نیمچە هەور دەبێت لەگەڵ تەمێکی کەم لە بەیانیدا لە ناوچەکانی ناوەڕاست و باکوور، پلەکانی گەرماش کەمێک دادەبەزن لەچاو رۆژی پێشوو”.

دەربارەی رۆژی چوارشەممە ئەوەی خستووەتەڕوو، “کەشوهەوا روون دەبێتەوە لەگەڵ هەبوونی هەندێک هەور لە سەرتاسەری وڵاتدا و پلەکانی گەرما هاوشێوەی رۆژی پێشوو دەبن لە سەرتاسەری وڵاتدا.”

بابەتی پێشتر

شێوازێكی نوێ بۆ دابەشكردنی مووچە پەیڕەوكرا

بابەتی دواتر

سەرۆك بافڵ جەلال تاڵەبانی گەیشتە شاری كەركوك

بابەتی پەیوەندیدار
زیاتر ببینە

هاتوچۆ كاركردن بە سیستمێكی راگرت

بەڕێوەبەرایەتیی گشتیی هاتوچۆ، كاركردن بە سیستمێكی راگرت و هاوڵاتییانی ناوچەكانی دەرەوەی ئیدارەی هەرێم و بەشێك لە هاوڵاتییانی پارێزگاكانی…
Total
0
Share