بەیانی ئەمڕۆ لە باشووری ئەفغانستان رووداوێکی سەختی هاتوچۆ روویدا و بەهۆیەوە 21 کەس گیانیان لەدەستدا و 38 ی دیکەش برینداربوون.
رووداوەکە لەنێوان پاسێک و بارهەڵگرێک و ماتۆڕسکیلێکدا لە ناوچەی هێلمەندی باشووری ئەفغانستان روویداوە، دوای رووداوەکەش ئاگرێکی گەورە کەوتووەتەوە و زۆرینەی قوربانییەکان سووتاون.
بەپێی ئەو زانیارییانەی لە میدیاکانی وڵاتەکەوە بڵاوکراونەتەوە، لەنێوا قوربانییەکاندا دووانی ماتۆڕسوار بوون، سێ کەسیان لەناو بارهەڵگرەکەدا بوون و ئەوانی دیکەش سەرنشینی پاسەکە بوون.
هەر بەپێی زانیارییەکان لەناو بریندارەکاندا برینی 11 کەسیان سەختە.
