بەندەری ئوم قەسر بەرزترین تێکڕای قەبارەی کاڵای هاوردەکراوی تۆمارکردووە لە مانگی شوباتی رابردوودا.
بەڕێوەبەری کۆمپانیای بەندەرەکانی عێراق فەرحان فەرتوسی رایگەیاند، ژێرخانی بەندەری ئوم قەسری باکوور، بەرزترین رێژەی کۆی کاڵای بەدیهێناوە کە یەک ملیۆن و 230 هەزار و 649 تۆن کەرەستەی هاوردەکراو بۆ مانگی شوبات بووە.
لە کاتێکدا تێکڕای قەبارەی کاڵاکان بۆ مانگی کانوونی دووەم گەیشتووەتە نزیکەی 967 هەزار و 171 تۆن.
ئاماژەی بەوەشکردووە، ژمارەی کۆنتێنەرە هاوردەکراوەکان بۆ مانگی شوبات 47 هەزار و 215 کۆنتێنەر بووە لە کاتێکدا ژمارەی کۆنتێنەری هاوردەکراو لە مانگی کانوونی دووەم، نزیکەی 38 هەزار و 992 کۆنتێنەر بووە.
