وەزارەتی کار و کاروباری کۆمەڵایەتی رایدەگەیەنێت، “بڕیاری لێخۆشبوون بۆ سوودمەندانی قەرزی بچووك بەڕێژەی 20% دەرکرا”.
وەزارەتی کار و کاروباری کۆمەڵایەتیی هەرێم لە راگەیەندراوێکدا بڵاویکردەوە، بۆ خزمەتی سودمەندانی سندوقی قەرزی بچووک ، كوێستان محەمەد، وەزیری كارو كاروباری كۆمەڵایەتی بەڕێوەبەری سندووقی پشتیوانیی پرۆژە بچووكەكانی راسپارد بە ئامادەكردنی راپۆرتێكی تێر وتەسەل و بەزووترین ماوە بۆ ئەوەی لە كۆبوونەوەكانی داهاتووی ئەنجوومەنی وەزیران پێشكەشی بكات و گفتوگۆی لەبارەوە بكرێت.
لە راگەیەندراوەکەدا هاتووە، دوای گەنگەشەكردنی بابەتی لێخۆشبوون لە سوودمەدانی قەرزی بچووك بڕیاری لێخۆشبوون بەڕێژەی (20%) لە كۆی گشتیی قەرزی نەگەڕاوە لە چوارچێوەی پرۆژەكانی پێدانی قەرزی بچووك دەركرا.
