بەهۆی هەورەبروسکەوە سێ پێشمەرگە برینداربوون

لە سنووری قەزای مێرگەسۆر سێ پێشمەرگە لە کاتی ئەرکدا هەورەبروسکە لێیدان و برینداربوون.

قائیمقامیەتی قەزای مێرگەسۆر بڵاویکردەوە، شەوی رابردوو سێ پێشمەرگە لە کاتی ئەرکدا هەورەبروسکە لێیدان و برینداربوون و گەیەندرانە نەخۆشخانەی مێرگەسۆر.

ئاماژەی بەوەشکرد، تەندروستیی بریندارەکان جێگیرە و لە ئێستادا لە نەخۆشخانە لەژێر چاودێری پزیشکیدان.