بەگوێرەی زانیارییەکانی پەیامنێری تۆڕی میدیایی ئێستا، هەشت ئەندامی ئەنجومەنی پارێزگای کەرکوک کە لە لایەنە کوردییەکانن گەیشتوونەتە باڵەخانەی ئەنجومەنی پارێزگا.
ئەو ئەندامانی لە باڵەخانەی ئەنجومەنی پارێزگان ژمارەیان هەشت ئەندامە و پێکهاتوون لە ئەندامانی فراکسیۆنی یەکێتی و فراکسیۆنی پارتی و کۆرسی کۆتای مەسیحی، بەڵام تا ئێستا ئەندامانی لایەنی عەرەب و تورکمان نەچوونەتە ئەنجومەنی پارێزگا.
ئەمەش لە کاتێکدایە، هەموو ئەندامانی ئەنجومەنی پارێزگای کەرکوک ئاگادارکراونەتەوە لە بەشداریکردن لە کۆبوونەوەکەی ئەمڕۆی ئەنجومەنی پارێزگاکەدا.
