لە فڕۆكەخانەی نێودەوڵەتیی كەركوك حەوت گەشتیار دەستگیركران كە ھەڵگری پاسپۆرت و ڤیزای ساختەبوون و رادەستی پۆلیس كران.
بەڕێوەبەرایەتیی كاروباری نشینگە لە فرۆكەخانەی كەركوك لە راگەیەنراوێكدا بڵاویكردەوە، ئەو حەوت كەسە لەلایەن مەفرەزەكانی بەشی بەڕێوەبەرایەتیی كاروباری نشینگە لە فرۆكەخانەی كەركوك دەستگیركراون.
هەر لە راگەیەندراوەكەدا هاتووە، دووان لەدەستگیركراوەكان ھەڵگری پاسپۆرتی ساختەی دۆمینیكا بوون، سیانیشیان ڤیزای ساختەی ئیتاڵیا و ئەڵمانیایان بەكارھێناوە و دوو ھاوڵاتی سوریش دەستگیركراون كە بەھەمان شێوە ڤیزەی ساختەی ئیتاڵیایان پێبووە.
