جێگری سەرۆكی لیژنەی دارایی لە ئەنجومەنی نوێنەرانی عێراق رایدەگەیەنێت، چاوەڕواندەكرێت لەم هەفتەیەدا بەغداد تەواوكاریی مووچە بۆ مانگی هەشت بنێرێت و دەشڵێت، “تاكۆتایی ئەمساڵ مووچەی مووچەخۆران دەنێردرێت و هیچ گرفتێكی نابێت”.
ئیخڵاس دلێمی، جێگری سەرۆكی لیژنەی دارایی لە ئەنجومەنی نوێنەرانی عێراق رایگەیاند، بۆ سەرجەم وەزارەتەكانی عێراق پارەی تەرخانكراو بۆ مووچە كە دەنێرێت بە چەند گوژمەیەك دەنێرێت و ئەوەش پەیوەندیی بە كەمیی نەختینەوە هەیە و چاوەڕواندەكرێت لەم هەفتەیەدا بەغداد تەواوكاریی مووچەی مانگی هەشت بنێرێت.
جێگری سەرۆكی لیژنەی دارایی جەختیكردەوە و وتیشی، ” مووچەی مووچەخۆرانی هەرێم تاوەكو كۆتایی ئەمساڵ هیچ گرفتێكی نییە و دەنێرێت و رەنگە دوابكەوێت كە ئەوەش پەیوەستە بە كەمیی نەختینەوە”.
