به‌بۆنه‌ی جەژنی رۆژووی ئێزدییەکان وتەبێژی یەکێتی رایدەگەیەنێت، “یەکێتی هەمیشە لە رابردوو و ئێستا و داهاتووشدا وەک بەشێک لە پێکهاتەیەکی گرنگی کۆمەڵی کوردەواری سەیری ئێزدییەکان دەکات”.
سەعدی ئەحمەد پیرە، وتەبێژی یەكێتی نیشتیمانی كوردستان به‌بۆنه‌ی جەژنی رۆژووی ئێزی ئێزدییەکان ئاماژە بەوە دەکات، “پیرۆزبایی لە خوشک و برایانی ئێزیدی له هەرێمی كوردستان و عێراق به‌گشتی ده‌كه‌ین، هیواخوازین ئه‌م جه‌ژنه ببێته هه‌وێنی به‌رقه‌راربوونی ئۆقره‌یی و ئارامی له و‌ڵاته‌كه‌ماندا و پێكه‌وه‌ژیانی ئاشتیانه‌ی نێوان ئاین و ئاینزا و پێكهاته جیاجیاكان و كۆتایی بێت به‌ئاواره‌یی و نه‌هامه‌تیه‌كانی هاوڵاتییانی ئێزدی لە كوردستان و عێراق و بگه‌رێنه‌وه بۆ زێدی خۆیان”.
دەشڵێت، “جەختیش دەكەینەوە کە یەکێتی نیشتیمانی كوردستان هەمیشە لە رابردوو و ئێستا و داهاتووشدا پارێزگاری لە خوشک و برا ئێزدییەکان دەکات و وەک بەشێک لە پێکهاتەیەکی گرنگی کۆمەڵی کوردەواری سەیریان دەکات”.
