داوای قەدەغەكردنی ماسی برژاندن لەناو ماڵاندا دەكرێت و بە فەرمی ئاراستەی حكومەتی خۆجێیی ناوچەیەك كرا.
بەڕێوەبەرایەتیی خۆپاراستنی تەندروستیی گەرمیان، داوای داخستنی شوێنەکانی ماسی برژاندنی ناو ماڵان دەکات و دەڵێت، مەترسیدارە.
لە نووسراوێکدا بۆ قائیمقامیەتی قەزای کەلار، بەڕێوەبەرایەتیی خۆپاراستنی تەندروستیی گەرمیان، پێشنیازی داخستنی شوێنەکانی ماسی برژاندن لەناو ماڵاندا دەکات و ئاشكرایدەكات، هۆكاری پێشنیازەكە بەهۆی دروستکردنی دووکەڵ و بۆنی ناخۆش و پیسبوونی ژینگە و ناشرینکردنی سیمای شار، هەروەها کاریگەریی خراپی ماسی برژاندنە لەسەر تەندروستیی هاوڵاتییان.
