بڕیارە رۆژی یەکشەممە مامۆستایانی وانەبێژ بەرەو هەولێر بەڕێبکەون و لەبەردەم بینای ئەنجومەنی وەزیران گردبوونەوەی ناڕەزایەتی ئەنجامبدەن.
عەلی رەئوف نوێنەری گشتیی مامۆستایانی وانەبێژ بە تۆڕی میدیایی ئێستای راگەیاند، رۆژی یەکشەممە کاتژمێری 10:00 ی سەرلەبەیانی خۆپیشاندانی بەرفراوانی مامۆستایانی وانەبێژ لەبەردەم بینای ئەنجومەنی وەزیران لە هەولێر بەڕێوەدەچێت.
ماوەی زیاتر لە دوو مانگە مامۆستایانی وانەبێژ دژی دانەمەزراندنیان بایکۆتی هۆڵەکانی خوێندنیان کردووە و لە سنووری سلێمانی و هەڵەبجە و ئیدارە سەربەخۆکان چەندین جار خۆپیشاندانیان ئەنجامداوە، بەڵام تا ئێستا وەڵام داواکارییەکانیان نەدراوەتەوە.
