لە پارێزگایەکی باکوری چین ئاگر لە باڵەخانەیەک کەوتەوە و بەو هۆیەوە 11 کەس گیانیان لەدەستدا و 51 کەسی دیکەش برینداربوون.
میدیا فەرمییەکانی چین بڵاویان کردەوە، ئەمڕۆ پێنجشەممە بەهۆی ئاگرکەوتنەوە لە باڵەخانەیەکی پارێزگای شانشی لە باکوری چین، 11 کەس گیانیان لەدەستدا و 51 کەسی دیکەش برینداربوون.
ئاماژە بەوەش کراوە، هێشتا هەڵسەنگاندن بۆ ئاماری وردی قوربانییەکان دەکرێت، ئەو 11 کەسە دەستبەجێ لە شوێنی رووداوەکەدا گیانیان لەدەستداوە و 63 کەسیش باڵەخانەکەیان جێهێشتووە، 51 کەسە بریندارەکەش بۆ نەخۆشخانە گواستراونەتەوە.
