ئەمریكا لە عێراقەوە بۆچوونی فەرمیی خۆی لەبارەی یارییەكەی ئەمڕۆی نێوان هەردوو هەڵبژاردەی وڵاتەكەی و ئێران راگەیاند.
ئەلینا رۆمانۆسكی باڵیۆزی ئەمریكا لە عێراق رایگەیاند، وەرزش دەتوانێت سیاسەت تێبپەڕێنێت و خەڵك یەكبخات.
باڵیۆزی ئەمریكا لە عێراق تویتێكی لەو بارەیەوە بڵاوكردووەتەوە و نووسیویەتی، “یارییەكەی ئەمشەوی جامی جیهانی گەورەیە: هەڵبژاردنی ویلایەتە یەكگرتووەكانی ئەمریكا بەرامبەر بە هەڵبژاردەی ئێران یاریدەكات، من پشتیوانیی هەڵبژاردەی وڵاتەكەم دەكەم”.
رۆمانۆسكی دەڵێت، “ئەمشەو دەبینین چۆن وەرزش دەتوانێت سیاسەت تێبپەڕێنێت و خەڵك لەبارەی شتێكی ئەرێنییەوە یەكبخات كە ئەویش خۆشەویستییە بۆ ئەو یارییە جوانە”.
