پاسێک لەسەر رێگای چیای ئەندێز لە وڵاتی پیرۆ کەوتە خوارەوە و لانی کەم 20 کەس بوونە قوربانی.
بەیانی ئەمڕۆ پاسێک کە نزیکەی 50 سەرنشینی هەڵگرتبوو و لە شاری فیلکاشوامان بەرەو لیما بەڕێکەوتبوون و لە ناوچەی هوانکافێلیکا لەسەر چیای ئەندێز کە دەکەوێتە بەشی باشووری رۆژهەڵاتی پیرۆ کەوتەخوارەوە.
بە وتەی پۆلیسی وڵاتەکە تا ئێستا 13 تەرم دۆزراونەتەوە و پێنج کەسیش برینەکانیان سەخت بووە و رەوانەی نەخۆشخانەکان کراون، کە لە ناویاندا مناڵیش هەن.
ئەم جۆرە رووداوە هاتوچۆ سەختانە لە پیرۆ دووبارەدەبنەوە، کە بەشێکی بۆ خراپی رێگاوبانەکانی وڵاتەکە دەگەڕێنەوە.
