ئاژانسی رۆیتەرز ئاشکرای دەکات، بەهۆی مەترسیی ئەمنییەوە، باڵیۆزخانەی ئەمریکا لە عێراق خۆی ئامادەدەکات بۆ چۆڵکردن.
ئاژانسەکە بە پشتبەستن بە بەرپرسێکی ئەمنیی عێراقی و سەرچاوەیەکی ئەمریکی بڵاویکردەوە، بەهۆی ئەوەی بەمدواییە مەترسیی ئەمنی لە عێراق زیادبووە، ئەمریکا ئامادەکاری دەکات کە باڵیۆزخانەکەی لە بەغداد چۆڵبکات.
رۆیتەرز لەبارەی ئەو مەترسییانەوە، هیچ زانیارییەکی ئاشکرانەکردووە.
تائێستا، باڵیۆزخانەی ئەمریکا لە بەغداد و لایەنی عێراقی، هیچ لێدوانێکی رەسمییان لەسەر ئەم هەواڵە بڵاونەکردووەتەوە.
