نرخی نەوت لە مامەڵەكانی بەیانیی ئەمڕۆدا بۆ جاری چوارەم لەسەریەك دابەزینی بەخۆیەوە بینی.
گرێبەستە دواخراوەكانی خاوی برێنت 37 سەنت دابەزی كە دەكاتە 0.44% و گەیشتە 83.08 دۆلار بۆ هەر بەرمیلێك، هەروەك خاوی رۆژئاوای تەكساسیش 39 سەنت دابەزی، كە دەكاتە 0.49% و گەیشتە 78.99 دۆلار بۆ هەر بەرمیلێك.
دابەزینەكە لەسایەی مەترسی لەسەر پاشەكشەی گەشە لە چین و بەرزكردنەوەی نرخی سوودی پێشبینیكراو لە ویلایەتە یەكگرتووەكان و كاریگەری لەسەر خواست لەسەر وزە لەلایەن هەردوو گەورە ئابورییەكەی جیهان هاتەدی.
