چەند ڕۆژێک پێش ئێستا دوو گەنجی باشوری کوردستان کە لە ئیتاڵیاوە ویستویانە بگەنە فەرەنسا لە ڕێگەدا شەمەندەفەر لێیداون و گیانیان لە دەستداوە.
ئاری جەلال، بەرپرسی دەزگای لوتکە، کە دەزگایەکە گرنگی بە کاروباری پەنابەران دەدات بە تۆڕی میدیایی ئێستای ڕاگەیاند، “ئەو دوو گەنجە خەڵکی دەڤەری ڕاپەڕینن و لەگەڵ چەند هاوڕێیەکیاندا خۆیان گەیاندووەتە ئیتاڵیا و دوای 14 ڕۆژ کەتەنتینە ویستویانە خۆیان بگەیەننە فەرەنسا لە ڕێگەدا شەمەندەفەر لێیداون و گیانیان لە دەستداوە”.
بە پێی زانیارییەکانی دەزگای لوتکە یەکێک لەو پەنابەرانەی گیانی لە دەستداوە ناوی بەهرۆز ئیسماعیلە و لە ساڵی 1997 لە دایکبووە و دانیشتوی ناحیەی حاجیئاوا بووە.
ئەو پەنابەرەی دیکەی هەرێم کە شەمەندەفەر لێیداوە ناوی ڕاستی مەحمودە و لە دایکبووی ساڵی 2001 ە و دانیشتووی شاری ڕانیەیە.
دەزگای لوتکە ئاشکرایدەکات، لەگەڵ کەسوکاری ئەو پەنابەرانەدا لە هەوڵی ئەوەدایە تەرمەکانیان بگەڕێنرێتەوە هەرێمی کوردستان.
